MERKATARITZA-LEGERIAri buruzko artikuluak

MERKEALDIAK: Galderak eta erantzunak

Informazioa Tarifa berriei buruz

Estatuko gobernuak plastikozko poltsen erabilera murriztu nahi du

INTERESEKO ARTIKULUAK

HEMEN MERKATARITZARI BURUZKO GAI INTERESGARRIENAK ESKURA DITUZU

ENPRESA-INTEGRAZIOA

MARKETINA

LEGEAK ETA ARAUAK

MERKATARITZA ELEKTRONIKOA

Plastikozko poltsa gehiagorik ez. mesedez

ESTATUKO GOBERNUAK NEURRIAK HARTUKO DITU 2010 URTETIK AURRERA PLASTIKOZKO POLTSEN ERABILERA MURRIZTEKO

Informazio hau gazteleraz ere irakurri dezakezu

Espainiako Gobernuak murriztu egin nahi du biodegradagarria ez den erabilpen bakarreko poltsa kontsumoa. Erabilpen honen %50 murriztu nahi du, 2010 urtetik aurrera. Urte honetatik aurrera ere egutegi bat ari dira aztertzen poltsa mota hauen erabilpena debekatzeko.

Zer esan nahi du honek? Bada, argi eta garbi hauxe: 2010 urtetik aurrera litekeena da erabilpen bakarreko plastikozko poltsak barik biodegradagarriak direnak erabiltzen behartzea saltokiak, eta hau behar bezala legez araututa egotea.Hala eta guztiz ere, oraindik ezin da jakin ezta zehaztu ere zelan arautuko den hau guztia, plastikozko poltsak erabat debekatuko ote dituzten edo poltsa bakoitzeko tasa bat ordaindu beharko ote den...

Ingurumen, Landagune eta Itsas Inguruetako Ministerioak adierazi duena hauxe da:

• Gai honen gainean onartuko den araudia merkataritza arloarekin adostua izango dela, ahal dela.
• Alternatiba desberdinak daude aukeran (poltsa berrerabilgarriak erabiltzea, biodegradagarriak diren poltsak erabiltzea,...); hori dela eta, litekeena da konponbide bakarra ez bilatzea eta bai, ostera, konponbide desberdinak planteatzea.
• Aurrera atera nahi den asmo honek arrakasta izan dezan, beharrezko da merkatariak eta bezeroak komunikatuta eta kontzientziatuta egotea.
  

Laburbilduz, badirudi biodegradagarriak ez diren erabilpen bakarreko plastikozko poltsek azkena eman dutela. Momentuz ezin dira aurreikusi zein edo zeintzuk izango diren planteatuta dauden alternatibak, baina interesgarria litzateke poltsa mota hauek erabiltzen dituzten merkatariak biodegradagarriak edo iraunkorragoak diren poltsen ordez aldatzen hastea.

Zenbait merkatarik ematen dituzten paperezko poltsei dagokienez (jantzigintza eta zapatagintzakoak, oro har), %100ean biodegradagarriak direnez gero, ez omen dira bihar-etzi abian jarriko den araudi horren menpe izango.

Informazio gehiagoa (gazteleraz):
- Ingurumen, Landagune eta Itsas Inguruetako Ministerioa
Jornadas sobre las bolsas comerciales de un solo uso (Madrid, 23 de junio de 2009)

EGILEA:

Borja Escalona

Merkataritzarako Teknikaria

MLTK Gernika-Lumo-k sortua

MERKEALDIAK: GALDERAK ETA ERANTZUNAK

MERKATARI HORI: MERKEALDIETAN ZURE ESKUBIDEEK BARIK, PREZIOEK EGITEN DUTE BEHERA

Informazio hau gazteleraz ere irakurri dezakezu

Merkealdietako denboraldiaren hasieran hedabideek saturatu egiten dute informazio-edukia kontsumitzaileei eskainitako aholkuekin. Mezua oso argia da: urtean zehar dituzun eskubide berak dituzu merkealdietan ere.

Horrela da, bai. Denda batek merkatutako salmenta egiteak ez ditu kontsumitzaileen eskubideak zertan murriztu, prezioarekin batera. Informazio ugari honek baina, desabantailan uzten du merkataria. Inguratuta eta bertatik bertara zelatatuta ikusten du bere burua merkatariak, “debekatua” dagoen ezein salmenta gauza ez dezan.

Urteetan eta urteetan eman da egoera hau. Baina krisi ekonomikoaren erdigunean, egoera dela eta, litekeena da merkatariarenganako presioa areagotzea eta sektore honetako zenbait profesional gainezka eginda egotea.

Informazio uholde honegatik, badirudi ahantzi egiten dela merkatariek ere eskubideak dituztela, eta eskubideok ez direla merkealdietan murrizten. Artikulu honetan, merkataritzak merkealdian azalarazten dituen zenbait galderari erantzunak ematen saiatuko gara. Erantzun hauek ezagutzea derrigorrezkoa dute bezeroari ahalik eta zerbitzu onena ematearren eta, aldi berean, beren burua babestuta izatearren.

HASI AURRETIK:
Komunikazioa da, oinarri-oinarrian, merkataritzak dituen eskubideak eskatu ahal izateko bide bakarra. Merkataritzaren eskubide gehienak soilik gauzatu ahal izango dira salmentaren baldintzak bezeroari aurretik jakinarazitakoan.

ORDAINKETA MODUAK:

• Merkealdietan kreditu txartelarekin ordaintzea ez onartuzkoa da?

EZ, “publizitate loteslearen aurrean gaude, hots, dendak txartelarekin egindako ordainketa onartzen duela jakitera emanda badu, BETI onartu behar du ordainketa mota hau, baita merkealdietan ere.

• Egokia al da jartzea merkealdietan ezin dela txartelarekin ordaindu azaltzen duen iragarkia?

EZ. Merkataritzako lan ohiturak eurak dira publizitate era bat eta “Publizitate loteslea”ren irizpide horren arabera, oro har, dendak txartelak onartzen baditu, merkealdietan ere gauza bera egin behar du, salbu eta aurretik aipatutako iragarkia jartzea erabakiz gero.

• Ba al da modurik merkealdietan txartelak ez onartzeko?

Merkealdietan txartelak ez onartzeko legezko era bakarra dendan iragarkia jartzea da. Merkealdietan txartelik onartuko ez dela urte osoan zehar jakinarazi behar da. Publizitate mota hau dendako leku ikusgarrian jarritako kartel baten bidez egin daiteke, betiere ikusgarri egon beharko lukeena.

• Kobratu ahal dira merkealdietan oro har kobratzen ez diren zerbitzuak?

EZ. Txartelen kasuan izandako erantzun bera du honek ere. Argi eta garbi eta zalantzarik gabe adierazi behar da dendan urtean zehar, nahasketarik egon ez dadin denboraldia hasitakoan.

BEZEROA JAKITUN JARTZEA:

• Derrigorrezkoa al da produktu guztietan eta bakoitzean prezioa jartzea?

BAI. Legeak dio produktu guztiek markatuta izan behar dutela aurreko prezioa eta baita merkatutakoa ere. Hala eta guztiz ere, deskontua kartel bakarraren bidez adieraz daiteke, halaber, esaterako: %50. Argi eta garbi geratu behar da baina, deskontua zertan datzan eta zein produktori ezartzen zaion.

ALDAKETAK ETA ITZULKETAK:
Bereiztu egin beharko litzateke produktua akasduna delako egiten dena eta aldaketa soilagatik egiten dena. Azken kasu honetan bezeroari produktua gustatzen ez zaiolako, neurriz ondo ez duelako…. ematen da aldaketa. Aurreko kasuan, ostera, derrigorrezkoa da itzulketa, bermeen gaineko araudiak horrela agintzen baitu.

Gainontzeko itzulketak onartzea dendariaren borondatearen araberako erabakia da. Dendariak berak erabakiko du onartu ala ez, merkatariak daukan sustapen politika kontuan izanda.

Gai honi buruz gehiago jakiteko hemen koltsulta dezakezu:
BERMEAK
ALDAKETAK ETA ITZULKETAK

• Derrigorrezkoa al da merkealdietan aldaketak eta itzulketak onartzea?

Hasiera batean, dendak ez du aldaketak eta itzulketak zertan onartu. Merkataritza politika dugu hau eta enpresa bakoitzak, eta era indibidualean, eskubidea du ezarri ala ez. Argi geratu behar dena da aldaketa hauek merkealdietako denboraldiz kanpoko baldintza beretan onartu behar direla. Urtean zehar onartzen ez badira, merkealdietan ez du zertan horrela izan. Baina dendaren politika urtean zehar onartzea bada, merkealdietan ere gauza bera gertatu behar da.

• Bada aldaketa hauek egiteko eperik edo baldintzarik?

Urtean zehar aldaketak onartuz gero, merkealdietan ere gauza bera izan behar da eta baldintza beretan.

• Produktua itzultzean, diruaren ordez, ba al da balerik ematea?

Dendaren ohiko praktikaren arabera izango da hori ere, eta baita egina duen publizitatearen arabera. Aldaketak dirutan ordaintzeko ohitura bada, merkealdietan ere gauza bera egin behar da. Baliteke, dena den, kartela jartzea dendan esanez aldaketak baleak emanda egingo direla eta sistema hori erabiliko dela merkealdian.

• Merkealdian itzulketa bat dela eta, balerik egitekotan, zein prezio hartu behar da kontuan, jatorrizkoa ala merkatua?

Bezeroak produktua ordaindu duen prezio bereko balea izan behar du betiere. Bezeroak merkatu gabeko jatorrizko prezioa ordainduz gero, balea jatorrizko prezio berean egin behar da. Baina balea merkealdian egin izan bada eta bezeroak merkatutako prezioan erosi badu, balearen zenbatekoa merkatutakoarena izango da.

• Badute baliorik merkealditik kanpo emandako baleek?

Agian bai, agian ez. Ezer aipatzen eta zehazten ez bada, baleek urte osoko baliozkotasuna dute, baita merkeladietan ere. Hala eta guztiz ere, balean bertan azaldu ahal da zeintzuk diren baleak trukerako dituen baldintzak. Adibidez, iraungipen data jar dakioke baleari edo honako zehaztapena: “Merkealdian ez du balio”.

• Produktua merkealditik kanpo erosi eta merkealdietan aldatzen denean, zein da itzuli beharreko zenbatekoa?

Bezeroak ordaindutako zenbateko bera itzuli behar da betiere. Ezin da merkatutako zenbatekoa itzuli, dendak aberaste bidegabekoa egingo lukeelako.

Merkataritza LEGERIA

MERKATARITZAN INDARREAN DAUDEN ARAUAK

Atal honetan laburpen txiki bat prestatu dugu merkataritza jardueran indarrean dauden arau garrantzitsuekin, ulergarriagoa egiteko bi parte prestatu dugu:

MERKATARIEN LEGEZKO ZEREGINEN LABURPENA

MERKATARITZA-LEGERIA

MERKATARITZA-LEGERIA LABURPENA

MERKATARIEN LEGEZKO ZEREGINEN LABURPENA

AURKIBIDEA

BEZEROARI EMAN BEHARREKO AGIRIAK

- Tiketak

- Fakturak

DENDAN JARRI BEHARREKO ARGIBIDEAK

- Prezioen gaineko argibideak

• Erakusleihoan dauden produktuen gaineko prezioak

• Denda barruan dauden produktuen gaineko prezioak

- Ordutegiaren gaineko argibideak

- Erreklamazio-orriak

- Erreklamazio-orrien gaineko kartela

ZERBITZUAK

- Ordainketa erak

- Itzulketak eta bermeak

• Bezeroak egindako itzulketak

• Saldutako produktuen BERMEA

• Bezeroari eskainitako ZERBITZU ERANTSIAK

JANARIEN MERKATARITZAKO ARAUDI BEREZIA

- Baskulak eta balantzak aztertzea

- Manipulatzailearen karneta

SALTZEKO MODALITATE BEREZIAK

- Merkealdian egindako salmenta

- Likidazioan egindako salmenta

- Sustapenean egindako salmenta

- Saldoan egindako salmenta

---

BEZEROARI EMAN BEHARREKO AGIRIAK

TIKETAK emateko derrigortasuna:

Derrigorrezkoa da bezeroari erosketa tiketa ematea. Tiketean, gutxienez, honako datu hauek egon behar dute jasota:

• Tiketa zenbakia


• Komertzioaren identifikazioa (izen komertziala, helbidea eta IFK)


• Salmenta data


• Saldutako produktuen banakapena


• Tiketaren zenbateko garbia (BEZ kanpo)


• Tiketaren zenbatekoa guztira (BEZ barne). BEZa prezioaren barruan egonez gero, zehaztu egin behar da (BEZ barne), komertzioa BEZaren Errekarguko Errejimenean dagoelako

Legeria: (Bizkaian indarrean soilik)

4.1.a) artikulua, 57/2004 FORU DEKRETUA, apirilaren 6koa, fakturazio betebeharrak araupetu dituena

ITZULI

FAKTURAK emateko derrigortasuna

Kontsumitzaileak eskatuz gero, derrigorrez eman behar zaio faktura. Fakturan datu hauek egon behar dute jasota:

• Faktura zenbakia


• Komertzioaren identifikazioa (izen komertziala, helbidea eta IFK)


• Jaulkipen-data eta tokia


• Saldutako produktuen banakapen zehaztua (unitateak, BEZ-ik gabeko deskripzioa eta prezio indibiduala)


• BEZaren banakapena

Legeria: (Bizkaian indarrean soilik)

57/2004 FORU DEKRETUA, apirilaren 6koa, fakturazio betebeharrak araupetu dituena

Baldintza hauek ez betetzeak ARAU-HAUSTEA dakar eta zigorra Foru Aldundiko Ogasun Sailak jarriko luke.

ITZULI

---

DENDAN JARRI BEHARREKO ARGIBIDEAK

PREZIOEN GAINEKO INFORMAZIOA:

Erakusleihoko produktuak:

Erakusleihoko produktuek prezioa agerian eduki behar dute eta kaletik ikusteko moduan egon behar dute.

9.2 artikulua, 7/1994 LEGEA, maiatzaren 27koa, merkataritza iharduerari buruzkoa (EHAA 1994/06/13)

ITZULI

Denda barruko produktuak:

Argi eta garbi adierazi behar da produktuaren prezioa, eta, horrela, bezeroak ez du zertan prezioaz galdetu, arauak horixe bera adierazten baitu.

9.2 artikulua, 7/1994 LEGEA, maiatzaren 27koa, merkataritza iharduerari buruzkoa (EHAA 1994/06/13)

ITZULI

Baldintza hauek ez betetzeak ARAU-HAUSTEA dakar eta zigorra Eusko Jaurlaritzako Industria, Merkataritza eta Turismo Sailak jarriko luke.

38.1.d) artikulua, 7/1994 LEGEA, maiatzaren 27koa, merkataritza iharduerari buruzkoa (EHAA 1994/06/13)

ITZULI

ORDUTEGIAREN GAINEKO INFORMAZIOA:

Ordutegi kartela

Komertzioa publikoari begira noiz egongo den zabalik argi adierazi behar da: egunak eta ordutegia. Informazio honek establezimenduaren kanpoaldetik egon behar du ikusgai.

11 artikulua, 7/1994 LEGEA, maiatzaren 27koa, merkataritza iharduerari buruzkoa (EHAA 1994/06/13)

ITZULI

Baldintza hauek ez betetzeak ARAU-HAUSTEA dakar eta zigorra Eusko Jaurlaritzako Industria, Merkataritza eta Turismo Sailak jarriko luke.

38.1.d) artikulua, 7/1994 LEGEA, maiatzaren 27koa, merkataritza iharduerari buruzkoa (EHAA 1994/06/13)

ITZULI

ERREKLAMAZIO-ORRIAK:

Establezimenduak derrigorrean izan behar ditu erreklamazio-orriak, bezeroek eskatuz gero, eman ahal izateko.

ITZULI

ERREKLAMAZIO-ORRIEN GAINEKO INFORMAZIO-KARTELA:

Erreklamazio-orriez gain, kartel ulergarria ere begi bistan egon behar da. Kartelak hauxe azaldu behar du:

“Nahi duenak eskuragarri ditu erreklamazio-orriak”. Karteleko letrek zentimetro bat eduki behar dute, gutxienez.

Erreklamazio-orriak Industria, Merkataritza eta Turismo Saileko Lurralde-bulegoan eskuratu ahal izango dira, General Concha 23an (Bilbo).

5/1997 DEKRETUA, urtarrilaren 14koa, Euskal Autonomi Elkarteko kontsumitzaileen eta erabiltzaileen erreklamazio-orriak arautzen dituena. (EHAA 1997/01/31)

ITZULI

---

ZERBITZUAK

ORDAINKETA ERAK:

Eskudiruzko ordainketa: Eskudiruzko ordainketa beti onartuko da, eta ez dago zertan espreski adierazi.

Txartela: txartela erabilita egiten den ordainketa onartu egin daiteke ala ez, hori dendariaren esku geratuko da. Baina ordainketa mota hau onartu egiten delako informazio itsasgarria jarrita badago, ordainketa mota hau onartu egin behar da derrigorrean. Honetarako baina, badira salbuespenak eta hauek argi eta garbi adieraziak egon behar dute:

• Zenbateko minimoa jarri ahal da txartelaren bidezko ordainketa onartzeko.
  

• Badago ezartzerik merkealdietan ezin direla ordainketak txartelaren bidez egin.
  

ITZULI

ITZULKETAK ETA BERMEAK:

Bezeroak egindako itzulketak

Oro har, adierazi egin behar da ez dagoela saldutako artikuluen itzulketa derrigorrean onartu behar, produktuak akatsak izan ezik. Kasu honetan Berme Legearen protokoloak hartukuko luke esku.

Establezimenduak itzulketarik onartuko balu, argi eta garbi azaldu behar dira zeintzuk diren itzulketarako baldintzak. Ezer adierazi ezean, itzulketak beti onartzen direla ulertu ahal da.

Merkealdietako itzulketak

Establezimenduak itzulketak onartzen baditu eta horren gaineko bestelako zehaztasunik adierazten ez bada, uste izatekoa da merkealdietan ere onartu egiten direla. Merkealdietan itzulketarik onartu ezean, argi eta garbi adierazi behar da establezimenduan urtean zehar.

Dirua itzuli edo erosketa-baleak

Itzulketak onartzen badira, establezimenduak berak erabakitzen du itzulketa zelan egin: edo eskudirutan edo gero kontsumitzeko aukera emango dion erosketa-baleen bidez.

Aurretik deus adierazten ez bada, erosketa-balea edonoiz erabili ahal izango da, baita merkealdietan ere. Arazo hau saiheste aldera, beraz, erosketa-balearen baldintzak agirian bertan zehaztu behar dira, iraungipen-data barne.

Publizitate loteslea

Itzulketak eta baita itzulketak egiteko erak direla eta (eskudirutan edo erosketa-baleak), establezimenduak dituen erabilerak eta ohiturak publizitatea eragiten dute eta publizitate hori loteslea da enpresarentzat. Itzulketak onartu eta eskudirua itzuliko balu, oro har, horrela egin beharko luke beti.

ITZULI

Saldutako produktuen BERMEA

Bermeen gaineko legeak arautu egiten du saltzaileak erosleari salerosketa kontratuarekin bat datorren ondasuna ematearena. Lege horretan ezarri egiten da eroslea noiz dagoen ados ondasunarekin:

• Saltzaileak egindako deskripzioarekin bat egiten duenean eta erakusten duen ereduak azaldutako nolakotasunak dituenean.


• Produktuak duen erabilerarako egokia denean, oro har.


• Saltzaileari jakinarazitako edozein erabilera berezitarako gai denean. Hori bai, azalpenok erosketa egiten dugun unean eman behar ditugu eta saltzaileak onartu egin behar du produktuak horretarako balio duela.


• Publizitatean eta etiketetan azaltzen diren prestazioa eta kalitatea bat eta bera direnean.
  

Kontsumo-ondasun iraunkorrak saltzean, garantia-agiria eta produktua erabiltzeko eta mantentzeko instrukzio-eskuliburua eman behar da. Produktua erosi eta bi urteren buruan izan daitezkeen akatsen erantzule da merkataria, Legearen arabera. Hala eta guztiz ere, honakoa izan behar da kontuan:

• Lehen 6 hilabetean erositako produktuarekin desadostasuna azaltzeak esan nahi du desadostasun hori erosketa egin zen unean bertan azaldu behar zela.


• Desadostasuna lehenengo 6 hilabete igaro ostean azaltzen bada, kontsumitzaileak frogatu egin behar du produktua erosi zuen egunean bertan adierazi zuela desadostasuna.
  

Adostasunik egon ezean, bi aukera ditu kontsumitaileak:

- Produktua konpontzea edo aldatzea, ezinezko edo neurriz gaineko ez bada.

- Produktua konpondu eta aldatu ezin bada, erosleak produktuaren prezioaren merkatzea eska dezake edo baita diruaren itzulketa ere.

Erositako produktua berriro dendara ermaten bada, aztertzeko, frogatzeko, konpontzeko edo beste edozein arrazoirengatik, gordailu-ordezkagiri bat eman behar da eta bertan, gutxienez, pertsonaren identifikazioa edo gordailu-erakundearena eta produktuarena jasota egon behar du, jasotze data eta gordetzearen arrazoia.

TÍTULO V del LIBRO II del Real Decreto Legislativo 1/2007, de 16 de noviembre, por el que se aprueba el texto refundido de la Ley General para la Defensa de los Consumidores y Usuarios y otras leyes complementarias (BOE 30/11/2007)

ITZULI

Bezeroari eskainitako ZERBITZU ERANTSIAK

Zerbitzuak eskaintzen dituzten establezimenduek ekintza burutu aurreko aurrekontua aurkeztu behar dute eta bertan baliagarritasun epea azaldu behar dute argi eta garbi.

Zerbitzu orokorrei dagokienean (etxerako bidalketak,…), eta bezeroak zerbitzua kontratatu aurretik, horiei buruzko informazio zehatza eman behar zaie.

ITZULI

---

JANARIEN MERKATARITZAKO ARAUDI BEREZIA

Baskulak eta balantzak aztertzea

Bi urte edo zaharrago diren baskulek eta balantzek azterketa pasatu behar dute bi urterik behin, ematen duten pisua zehatza dela frogatu ahal izateko.

Azterketa honek Eusko Jaurlaritzak tasatutako kostua du eta baimendutako enpresek baino ezin dute lan hori burutu.

Art. 11 de la Orden de 27 de abril de 1999, por la que se regula el control metrológico del Estado sobre los instrumentos de pesaje de funcionamiento no automático, en sus fases de verificación después de reparación o modificación y de verificación periódica (BOE 8/05/1999)

ITZULI

Manipulatzaile txartela

Establezimendu hauetan guztietan lan egiten duten langileek janariak manipulatzeko txartelaren jabe izan behar dute. Txartel hau bost urterik bost urtera berriztatu behar dute. Txartela pertsonala da eta merkataritzan manipulatuko duen produktuen lanerako espezifikoa.

REAL DECRETO 202/2000, de 11 de febrero, por el que se establecen las normas relativas a los manipuladores de alimentos (BOE 25/02/2000)

ITZULI

---

SALTZEKO MODALITATE BEREZIAK

MERKEALDIAN EGINDAKO SALMENTA

Arrazoia: era honetako salmenten arrazoia honakoa da: denboraldi aldaketa, urtaro amaiera edota stock-a berriztatzea.

Datak: salmenta mota hau urteko bi urtarotara mugatuta dago: urtarrilaren 7tik martxoaren 30era eta uztailaren 1etik irailaren 30era. Bi data hauen artean gehienez bi hilabeteko aukera egin daiteke eta aste betekoa (1), gutxienez.

Prozedura: merkealdietarako zein denboraldi aukeratu den jakinarazi behar zaio Eusko Jaurlaritzako Industria, Merkataritza eta Turismo Sailari.

Betebehar formalak: jakinarazpena egiteaz gain, merkatutako produktuak aurreko eta egungo (dagoeneko merkatuta dagoena) prezioarekin etiketatu behar dira.

Legeria:

137/1997 DEKRETUA, ekainaren 10ekoa, Euskal Autonomi Elkarteko urteko merkealdi biak finkatzen dituena (EHAA 1997/06/23)

24 artikulua, 7/1994 LEGEA, maiatzaren 27koa, merkataritza iharduerari buruzkoa (EHAA 1994/06/13)

Capítulo II del Título II de la Ley 7/1996, de 15 de enero, de Ordenación del Comercio Minorista (BOE 17/01/1996)

ITZULI

LIKIDAZIOAN EGINDAKO SALMENTA

Arrazoia: salmenta mota hau honako honegatik egin ohi da:

• Merkataritza jardunari erabateko edo partezko uztea.


• Lokala itxi edo eraldatzea.
  

Datak: likidazio salmentak hiru hilabete (3) iraun dezake. Jarduna erabat uzten bada, ostera, urte betez (1) iraun dezake likidazio salmentak.

Prozedura: likidazio salmenta Eusko Jaurlaritzaren Merkataritza Sailari jakinarazi behar zaio zazpi egun aurretik. Likidazio salmenta noiz hasiko den eta zenbat iraungo duen adierazi behar da. Likidazioan jarriko diren produktuen inbentariuma ere egin behar da.

Betebehar formalak: jakinarazpena egiteaz gain, merkatutako produktuak aurreko eta egungo (dagoeneko merkatuta dagoena) prezioarekin etiketatu behar dira.

Legeria:

26 eta 27 artikuluak, 7/1994 LEGEA, maiatzaren 27koa, merkataritza iharduerari buruzkoa (EHAA 1994/06/13)

Capítulo V del Título II de la Ley 7/1996, de 15 de enero, de Ordenación del Comercio Minorista (BOE 17/01/1996)

ITZULI

SUSTAPENEAN EGINDAKO SALMENTA.

Arrazoia: zenbait artikuluren salmenta bultzatzea du helburu salmenta mota honek. Hori dela eta, erosleei baldintza hobeak eskaintzen zaizkie deskontu, opari, sari edo beste edozein pizgarriren bitartez.

Datak: urteko edozein sasoitan egin daitezke eta mugarik gabe. Baina betiere produktu zehatz batean edota produktu-lerro jakin batean eta guztiz identifikagarri direnetan. Egin ezin dena zera da, dendako produktu guztien sustapen orokorra, praktika hau ezkutuko merkealditzat hartuko litzatekeelako.

Betebehar formalak: argi eta garbi adierazi behar da zertan datzan sustapena eta prezioen merkealdirik balego, saihestu egin beharko litzateke prezio biak etiketatzea (aurrekoa eta merkatua), praktika hau ezkutuko merkealditzat hartuko litzatekeelako.

Legeria:

28 artikulua, 7/1994 LEGEA, maiatzaren 27koa, merkataritza iharduerari buruzkoa (EHAA 1994/06/13)

Capítulo III del Título II de la Ley 7/1996, de 15 de enero, de Ordenación del Comercio Minorista (BOE 17/01/1996)

ITZULI

SALDOAN EGINDAKO SALMENTA.

Arrazoia: produktu zaharrak eta erabiltzen ez direnak saltzea helburu duena da saldoan egindako salmenta. Establezimenduan dauden produktu guztiak saldoan ez badaude, azken hauek besteetatik bereiz jarri behar dira.

Betebehar formalak: saldoan dauden produktuen salmenatarako publizitatea saldoa eragin duen zergati eta zertzeladekin batera agertu behar da.

Legeria:

25 artikulua, 7/1994 LEGEA, maiatzaren 27koa, merkataritza iharduerari buruzkoa (EHAA 1994/06/13)

Capítulo IV del Título II de la Ley 7/1996, de 15 de enero, de Ordenación del Comercio Minorista (BOE 17/01/1996)

ITZULI

MERKATARITZA-LEGERIA

MERKATARITZA-LEGERIAREN ZERRENDA

---

MERKATARITZA JARDUERAREN LEGE-ESPARRU OROKORRA

SALTZEKO ERA BEREZIAK

MERKATAL ORDUTEGIAK

BERMEAK

---

MERKATARITZA JARDUERAREN LEGE ESPARRU OROKORRA

Estatuko legeria

LEY 7/1996, de 15 de enero, de Ordenación del Comercio Minorista

EAEko legeria

7/1994 LEGEA, maiatzaren 27koa, merkataritza iharduerari buruzkoa

7/2000 LEGEA, azaroaren 10ekoa, Merkataritza Jardueraren
7/1994 Legea aldatzekoa

7/2008 LEGEA, ekainaren 25ekoa, Merkataritza Jardueraren
Legearen bigarren aldaketarena

INDIZEA

---

• SALTZEKO ERA BEREZIAK


• MERKEALDIAK:
  

- EAEko legeria
137/1997 DEKRETUA, ekainaren 10ekoa, Euskal Autonomi Elkarteko urteko merkealdi biak finkatzen dituena.

- EAEko legeria
7/1994 LEGEA, maiatzaren 27koa, merkataritza iharduerari buruzkoa (24 ARTIKULUA) (gazteleraz)

- Estatuko legeria
LEY 7/1996, de 15 de enero, de Ordenación del Comercio Minorista (CAPITULO II)

INDIZEA

---

LIKIDAZIOAK:

- EAEko legeria
7/1994 LEGEA, maiatzaren 27koa, merkataritza iharduerari buruzkoa (26 ARTIKULUA) (gazteleraz)

- EAEko legeria
7/1994 LEGEA, maiatzaren 27koa, merkataritza iharduerari buruzkoa (26 ARTIKULUA) (gazteleraz)

- Estatuko legeria
LEY 7/1996, de 15 de enero, de Ordenación del Comercio Minorista (CAPITULO V)

INDIZEA

---

MERKATAL ORDUTEGIAK

- Estatuko legeria
LEY 1/2004, de 21 de diciembre, de Horarios Comerciales

- EAEko legeria
33/2005 DEKRETUA, otsailaren 22koa, Euskal Autonomia Erkidegoko merkataritza-ordutegiei buruzkoa

- Estatuko legeria
LEY 44/2006, de 29 de diciembre, de mejora de la protección de los consumidores y usuarios (DISPOSICIÓN FINAL NOVENA)

- EAEko legeria
7/2008 LEGEA, ekainaren 25ekoa, Merkataritza Jardueraren
Legearen bigarren aldaketarena (LEHEN AZKEN XEDAPENA) (gazteleraz)

- EAEko legeria
7/2008 LEGEA, ekainaren 25ekoa, Merkataritza Jardueraren
Legearen bigarren aldaketarena (BIGARREN AZKEN XEDAPENA) (gazteleraz)

INDIZEA

---

BERMEAK

- Estatuko legeria
Real Decreto Legislativo 1/2007, de 16 de noviembre, por el que se aprueba el texto refundido de la Ley General para la Defensa de los Consumidores y Usuarios y otras leyes complementarias (LIBRO II, TÍTULO V, CAPÍTULOS I a IV)

INDIZEA